Лондоннинг «Кристал Пэлас» клубининг машҳур ярим ҳимоячиси Уильфрид Заха жамоасини тарк этишга янада яқинроқ келди.
Британиянинг Football Insider портали берган маълумотларга кўра, ивуарлик бу ёзда «Селхерст Парк»ни эркин агент сифатида тарк этади, чунки Лондоннинг ушбу жамоаси раҳбарияти футболчини сақлаб қолиш қобилиятига энди ишонмаяпти.
Эслатиб ўтамиз, футболчининг «бургутлар» билан тузилган меҳнат шартномаси жорий мавсум охиригача ҳисобланган.
Ҳаммаси бўлиб, ивуарлик клуб учун 27 та ўйин ўтказган - у барча мусобақаларда етти гол ва учта голли узатмани амалга оширган.
