Хави "Барселона"нинг келаси мавсумда еврокубокларда муваффақиятли иштирок этиш нияти борлигини билдирди.

"Кўк-анорранглилар" Ла Лиганинг 34-турида "Эспаньол" меҳмони бўлиб (4:2) муддатидан олдин чемпионликни қўлга киритди.

"Биз рақибларимиздан анча кучли эдик ва буни нишонлашимиз керак. Биз вазиятни ҳисобга олган ҳолда бунга лойиқмиз.

Ғалаба ишларнинг жуда яхши кетаётганини англатади. Европада биз у даражада яхши ўйнамадик ва у ерда тугалланмаган ишларимиз бор.

Яхши бажарилган ишдан мамнунман. Биз қийин дамларни бошдан кечирдик, аммо биз қандай қилиб бирдамликни сақлашни билардик. Мақсадга қандай эришганимиз ҳам муҳим. Биз баъзида жуда яхши футбол кўрсатдик.

Бу Хавининг чемпионлиги эмас. Менга бундай изоҳлар ёқмайди. Бу "Барселона"нинг чемпионлиги. Мен унга ёрдам бериш ва футболчилардан жамоа тузиш учун келдим.

Клуб атрофида содир бўлган воқеалар бизга ёрдам бермади, лекин футболчилар жамоавий ишларни индивидуал ишдан устун қўйишди ва биз мавсумни жуда яхши ўтказдик", - деди "Барселона" бош мураббийи.