Xavi "Barselona"ning kelasi mavsumda yevrokuboklarda muvaffaqiyatli ishtirok etish niyati borligini bildirdi.

"Ko‘k-anorranglilar" La Liganing 34-turida "Espanyol" mehmoni bo‘lib (4:2) muddatidan oldin chempionlikni qo‘lga kiritdi.

"Biz raqiblarimizdan ancha kuchli edik va buni nishonlashimiz kerak. Biz vaziyatni hisobga olgan holda bunga loyiqmiz.

G‘alaba ishlarning juda yaxshi ketayotganini anglatadi. Yevropada biz u darajada yaxshi o‘ynamadik va u yerda tugallanmagan ishlarimiz bor.

Yaxshi bajarilgan ishdan mamnunman. Biz qiyin damlarni boshdan kechirdik, ammo biz qanday qilib birdamlikni saqlashni bilardik. Maqsadga qanday erishganimiz ham muhim. Biz ba’zida juda yaxshi futbol ko‘rsatdik.

Bu Xavining chempionligi emas. Menga bunday izohlar yoqmaydi. Bu "Barselona"ning chempionligi. Men unga yordam berish va futbolchilardan jamoa tuzish uchun keldim.

Klub atrofida sodir bo‘lgan voqealar bizga yordam bermadi, lekin futbolchilar jamoaviy ishlarni individual ishdan ustun qo‘yishdi va biz mavsumni juda yaxshi o‘tkazdik", - dedi "Barselona" bosh murabbiyi.