Испаниянинг иқтисодий жиноятлар бўйича прокуратураси 2019 йилда “Барселона” ва “Валенсия” клублари томонидан амалга оширилган трансферларни текширмоқда. Бу ҳақда Mundo Deportivo нашри хабар бермоқда.
Гап дарвозабон Нетонинг "Валенсия"дан "Барселона"га 26 миллион еврога ва қарама-қарши йўналишдаги Яспер Силлессеннинг 35 миллион еврога ўтиши ҳақида кетмоқда. Даъвогар аввалроқ "кўршапалаклар" вице-президенти лавозимида ишлаган Мигель Сорио эди. Унинг фикрича, айирбошлаш сифатида эмас, балки алоҳида трансфер сифатида тузилган бундай операция ҳар икки клуб балансини сохталаштиришга қаратилган ва бу уларнинг ҳаражатлари камайтирилиши учун қилинган.
Қайд этиш керакки, бундай воқеа “Барселона” атрофида биринчи марта пайдо бўлаётгани йўқ. Бир йил ўтиб, клуб бразилиялик Артурни "Ювентус"га 76 миллион еврога сотди ва бунинг эвазига Миралем Пьянични 60 миллион еврога сотиб олди.
