Менхенгладбахнинг "Боруссия" клуби ярим ҳимоячиси Ману Коне "Манчестер Юнайтед"га ўтиши мумкин.
“Қизил иблислар” амалдаги шартномаси июнь ойида якунига етадиган “Ювентус” ярим ҳимоячиси Адриен Рабьони ўз сафига қўшиб олишни мақсад қилган, бироқ футболчининг ўзи ҳали келажаги борасида бир қарорга келмаган.
Журналист Фабрис Хокинснинг фикрича, агар Рабьо бўйича келишув амалга ошмаса, "Манчестер Юнайтед" бор эътиборини бошқа мақсад - Ману Конега қаратади. Миш-мишларга кўра, 21 ёшли футболчига "ПСЖ" ва Лондоннинг "Челси" клублари ҳам қизиқиш билдирмоқда.
Ману Коненинг Менхенгладбахнинг "Боруссия" клуби билан тузган шартномаси 2025 йилгача мўлжалланган бўлиб, унинг трансфер нархи 30 миллион еврони ташкил қилади.
