Menxengladbaxning "Borussiya" klubi yarim himoyachisi Manu Kone "Manchester Yunayted"ga o‘tishi mumkin.
“Qizil iblislar” amaldagi shartnomasi iyun oyida yakuniga yetadigan “Yuventus” yarim himoyachisi Adriyen Rabyoni o‘z safiga qo‘shib olishni maqsad qilgan, biroq futbolchining o‘zi hali kelajagi borasida bir qarorga kelmagan.
Jurnalist Fabris Xokinsning fikricha, agar Rabyo bo‘yicha kelishuv amalga oshmasa, "Manchester Yunayted" bor e’tiborini boshqa maqsad - Manu Konega qaratadi. Mish-mishlarga ko‘ra, 21 yoshli futbolchiga "PSJ" va Londonning "Chelsi" klublari ham qiziqish bildirmoqda.
Manu Konening Menxengladbaxning "Borussiya" klubi bilan tuzgan shartnomasi 2025 yilgacha mo‘ljallangan bo‘lib, uning transfer narxi 30 million yevroni tashkil qiladi.