Уругвайлик тажрибали ҳужумчи, ҳозирда Испания Ла Лигасида "Валенсия" сафида ўйнаётган Эдинсон Кавани Европани тарк этиб, фаолиятини Жанубий Америкада давом эттириши мумкин, деб хабар беради Todofichajes.
Манбага кўра, 36 ёшли ҳужумчи хизматларига "Бока Хуниорс" қизиқиш билдирмоқда. Аргентина клуби вакиллари "кўршапалаклар" билан тўпурарнинг трансфери бўйича музокарага киришди.
Кавани жорий мавсумда 22 та ўйинда майдонга тушиб, 5 та гол ва 2 та голли узатмага муаллифлик қилган. Уругвайлик футболчининг "Валенсия" билан шартномаси 2024 йилнинг ёзига қадар тузилган.
