"Брентфорд" ҳужумчиси Иван Тони саккиз ойга барча футбол фаолиятидан четлаштирилганидан кейин баёнот берди.

“Бугун мен саккиз ойлик дисквалификациям ҳақида билиб олдим. Албатта, кейинги саккиз ой давомида майдонга туша олмаслигимдан ҳафсалам пир бўлди.

Ушбу қарорнинг расмий сабаблари ҳали эълон қилинмаган, шунинг учун мен бу ҳақда изоҳ бермайман, мен фақат оилам ва дўстларим, шунингдек, "Брентфорд" ва мухлисларимизга ушбу жуда оғир дамларда қўллаб-қувватлаганликлари учун миннатдорчилик билдираман.

Энди бор эътиборимни кейинги мавсумда ўзим ёқтирган ўйинга қайтишга қаратганман”, — дея Тони сўзларини келтиради The Guardian.

Олдинроқ Тони саккиз ойга футболдан четлаштирилиши маълум бўлганди. "Брентфорд" ҳужумчиси футболга пул тикишда қўлга тушди. Шахсан Тони томонидан икки юздан ортиқ пул тикиш ҳолатлари тасдиқланган.