"Brentford" hujumchisi Ivan Toni sakkiz oyga barcha futbol faoliyatidan chetlashtirilganidan keyin bayonot berdi.

“Bugun men sakkiz oylik diskvalifikasiyam haqida bilib oldim. Albatta, keyingi sakkiz oy davomida maydonga tusha olmasligimdan hafsalam pir bo‘ldi.

Ushbu qarorning rasmiy sabablari hali e’lon qilinmagan, shuning uchun men bu haqda izoh bermayman, men faqat oilam va do‘stlarim, shuningdek, "Brentford" va muxlislarimizga ushbu juda og‘ir damlarda qo‘llab-quvvatlaganliklari uchun minnatdorchilik bildiraman.

Endi bor e’tiborimni keyingi mavsumda o‘zim yoqtirgan o‘yinga qaytishga qaratganman”, — deya Toni so‘zlarini keltiradi The Guardian.

Oldinroq Toni sakkiz oyga futboldan chetlashtirilishi ma’lum bo‘lgandi. "Brentford" hujumchisi futbolga pul tikishda qo‘lga tushdi. Shaxsan Toni tomonidan ikki yuzdan ortiq pul tikish holatlari tasdiqlangan.