Пеп Гвардиола "Манчестер Сити"нинг "Реал"га қарши жавоб ўйинини юқори баҳолади.
"Шаҳарликлар" мадридликларни (1:1, 4:0) мағлуб этиб, Чемпионлар лигаси финалига чиқди.
Бир йил аввал "Манчестер Сити" ярим финалда “Реал”га ютқазганди (4:3, 1:3).
"Қуръа натижаларига кўра, "Реал" бизга тушганида, мен: "Ҳа, мен буни хоҳлайман" - дегандим. Мен буни хоҳлагандим, чунки бугун ҳамма нарса рўй берди. Энг муҳими, футболчиларим бир йил аввал "Реал"дан учралган мағлубиятдан кейин характерсизликда танқид қилинганди, лекин бу футбол.
Бугун муваффақиятга эришдик ва мен бутун клубдан - президентдан, хўжайиндан, раҳбариятдан ва айниқса, барча футболчилардан миннатдорман, чунки биз мағлубиятни қабул қилдик ва бугун ғалаба қозондик.
Бир йилдан сўнг биз Чемпионлар лигаси финалидамиз. Агар таслим бўлмасангиз, футбол ва ҳаёт сизга доимо имкониятлар беради”, - деди “Манчестер Сити” бош мураббийи.
