Pep Gvardiola "Manchester Siti"ning "Real"ga qarshi javob o‘yinini yuqori baholadi.

"Shaharliklar" madridliklarni (1:1, 4:0) mag‘lub etib, Chempionlar ligasi finaliga chiqdi.

Bir yil avval "Manchester Siti" yarim finalda “Real”ga yutqazgandi (4:3, 1:3).

"Qur’a natijalariga ko‘ra, "Real" bizga tushganida, men: "Ha, men buni xohlayman" - degandim. Men buni xohlagandim, chunki bugun hamma narsa ro‘y berdi. Eng muhimi, futbolchilarim bir yil avval "Real"dan uchralgan mag‘lubiyatdan keyin xaraktersizlikda tanqid qilingandi, lekin bu futbol.

Bugun muvaffaqiyatga erishdik va men butun klubdan - prezidentdan, xo‘jayindan, rahbariyatdan va ayniqsa, barcha futbolchilardan minnatdorman, chunki biz mag‘lubiyatni qabul qildik va bugun g‘alaba qozondik.

Bir yildan so‘ng biz Chempionlar ligasi finalidamiz. Agar taslim bo‘lmasangiz, futbol va hayot sizga doimo imkoniyatlar beradi”, - dedi “Manchester Siti” bosh murabbiyi.