Forbes 25 ёшгача бўлган спортчилар орасида энг кўп даромад топадиганлар рейтингини тузди.

Унга кўра, “ПСЖ” клуби ва Франция терма жамоаси ҳужумчиси Килиан Мбаппе рўйхатни бошқариб турибди. Франциялик футболчи ўтган бир йил давомида 120 миллион доллар ишлаб олган. Унинг 100 миллиони спортга оид фаолиятга, бошқа 20 миллион эса спортдан ташқари даромадга тўғри келади.

Топ-5 ликдан яна бир футболчи Эрлинг Ҳоланд (“Манчестер Сити”) жой олган. Норвегиялик ҳужумчи ортда қолган бир йил ичида 52 миллион доллар маблағ орттирган.

Топ-5 лик билан танишинг:

1. Килиан Мбаппе (футбол, “ПСЖ”) — 120 миллион доллар (спорт — 100 млн, спортдан ташқари — 20 млн);

2. Кайлер Мюррей (америкача футбол, “Аризона”) — 70,5 млн доллар (67,7+3 млн);

3. Макс Ферстаппен (Формула-1, Ред Булл) — 64 млн доллар (60+4);

4. Эрлинг Ҳоланд (футбол, “Манчестер Сити”) — 52 млн доллар (40+12);

5. Лука Дончич (баскетбол, “Даллас”) — 47,2 млн доллар (37,2+10).