Тошкентнинг «Локомотив» клуби ўсмирлар ўртасидаги Осиё чемпионатида ғалаба қозонган Ўзбекистон ўсмирлар терма жамоасини ғолиблик билан табриклади.

«Бу Чемпионликка барча Ўзбекистон футбол федерацияси раҳбарияти, ходимлари, терма жамоамиз делегациясининг барча аъзолари, мураббий ва футболчиларимиз бирдек ҳақли равишда эришдилар».

«Локомотив» ПФК ушбу юқорида келтирилган инсонларни ва ўзбек футболи мухлисларини интизорлик билан кутилган ғалаба билан табриклайди. Шу жумладан терма жамоамиз дарвозабони, Локомотив футбол клуби тарбияланувчиси ва Чемпионат қахрамони Сарвар Каримовни ҳам табриклайди. Унинг бу юксак ютуғи клубимизнинг ҳам ютуғидир. Зеро шундай кучли ва ишончли кадрларни етказиб берган мураббийлар штаби, Каримовнинг ота онаси ҳам бу ютуқдан бошлари осмонга етди. Сарвар Каримовга узоқ умр, омад тилаймиз. У ҳали клубимиз, терма жамоамиз дарвозасини катта катта мусобақаларда шундай шижоат ва маҳорат билан қўриқлашига умид қилиб қоламиз!», дейилади клуб расмий сайтидаги табрикда.