"Ювентус" директори Франческо Кальво Массимилиано Аллегрининг жорий мавсумдаги ишига юқори баҳо берди.
Туринликлар А Серия якунига 3 тур қолганида иккинчи ўринни эгаллаб, Европа Лигаси финали йўлланмаси учун ҳам кураш олиб бормоқда. "Севилья"га қарши жавоб ярим финал учрашуви бошланишидан олдин Кальво жамоа бош мураббийининг муваффақияти ҳақида ўйлашини айтди:
“Менимча, Аллегри ажойиб иш қилмоқда ва уни мақташ керак. У ўз маҳорати туфайли бу мавсумни "Ювентус" учун деярли нормаль ҳолатга келтирди, бошида ишлар умуман юришмаганди. Кўтарилишлар ва пасайишлар бўлди, аммо якуний натижаларга қараб баҳо бериш яхшироқдир ", деди клуб директори Sky Sports нашрига берган интервьюсида.