"Yuventus" direktori Franchesko Kalvo Massimiliano Allegrining joriy mavsumdagi ishiga yuqori baho berdi.

Turinliklar A Seriya yakuniga 3 tur qolganida ikkinchi o‘rinni egallab, Yevropa Ligasi finali yo‘llanmasi uchun ham kurash olib bormoqda. "Sevilya"ga qarshi javob yarim final uchrashuvi boshlanishidan oldin Kalvo jamoa bosh murabbiyining muvaffaqiyati haqida o‘ylashini aytdi:

“Menimcha, Allegri ajoyib ish qilmoqda va uni maqtash kerak. U o‘z mahorati tufayli bu mavsumni "Yuventus" uchun deyarli normal holatga keltirdi, boshida ishlar umuman yurishmagandi. Ko‘tarilishlar va pasayishlar bo‘ldi, ammo yakuniy natijalarga qarab baho berish yaxshiroqdir ", dedi klub direktori Sky Sports nashriga bergan intervyusida.