"Ювентус" бош мураббийи Массимилиано Аллегри "Севилья"га қарши Европа лигаси ярим финал учрашуви учун таркибни қандай танлаганини тушунтирди.
Туринликларнинг марказий ҳужумида апрель ойи бошидан бери илк дақиқалардан майдонга тушмаган ҳужумчи Мойзе Кин ҳаракат қилади.
"Агар Кин яхши формада бўлмаганида мен уни танламаган бўлардим", - деди Аллегри ўз қарори ҳақида Sky Sport нашрига ўйин олдидан берган интервьюсида. "У бир муддат жароҳатлар ва дисквалификатлар туфайли майдонга туша олмади, аммо ҳозир у тайёр", деди "бьянконерилар" бошқарувчиси.
