Жозе Моуриньо Европа лигаси финалига чиққанидан кейин "Рома" футболчиларини мақтади.
"Бове ақл бовар қилмас даражада эди - у ҳимоячи ўйнади. Худди шу нарса Смоллингга ҳам тегишли, у жароҳат олган бўлсада ўйнай олди. Бу болалар ақл бовар қилмайдиган даражада ўйнашди, улар мени ҳайратда қолдирадилар.
Мен ҳам бошқалар каби бўлажак финал ҳақида ўйлайман. Биз кубокни уйга олиб келмоқчимиз" - деди "Рома" бош мураббийи ярим финалда "Байер"ни умумий ҳисобда (1:0, 0:0) мағлуб этганидан сўнг.
"Рома" Европа лигаси финалида "Севилья" билан куч синашади. Ўйин 31 май куни бўлиб ўтади.
