Мадриднинг «Реал» клуби ярим ҳимоячиси, айни дамда «Милан»да ижара асосида тўп тепаётган Браим Диас Италия клубида қолишга қарор қилди. Бу ҳақда журналист Фабрицио Романо хабар бермоқда.
Манба берган хабарга кўра, яқин вақт ичида томонлар 23 ёшли испанияликнинг «россонерилар» лагерига ўтиши борасида музокаралар олиб боришади. Қайд этилишича, трансфер футболчининг қийматига боғлиқ бўлади.
Диас жорий мавсумда «Милан» сафида 43 та ўйинда майдонга тушиб, 7 та гол урди ва 6 та голли узатмани амалга оширди.
Transfermarkt испаниялик футболчини 20 миллион еврога баҳоламоқда.
Италия А Сериясининг 36-туридан сўнг «Милан» 64 очко билан турнир жадвалида бешинчи ўринда бормоқда.