Madridning «Real» klubi yarim himoyachisi, ayni damda «Milan»da ijara asosida to‘p tepayotgan Braim Dias Italiya klubida qolishga qaror qildi. Bu haqda jurnalist Fabrisio Romano xabar bermoqda.
Manba bergan xabarga ko‘ra, yaqin vaqt ichida tomonlar 23 yoshli ispaniyalikning «rossonerilar» lageriga o‘tishi borasida muzokaralar olib borishadi. Qayd etilishicha, transfer futbolchining qiymatiga bog‘liq bo‘ladi.
Dias joriy mavsumda «Milan» safida 43 ta o‘yinda maydonga tushib, 7 ta gol urdi va 6 ta golli uzatmani amalga oshirdi.
Transfermarkt ispaniyalik futbolchini 20 million yevroga baholamoqda.
Italiya A Seriyasining 36-turidan so‘ng «Milan» 64 ochko bilan turnir jadvalida beshinchi o‘rinda bormoqda.
