Шанба куни "Астон Вилла"га қарши ўйиндан сўнг (1:1) "Ливерпуль" Чемпионлар лигасига йўлланма олиш имкониятини деярли қўлдан бой берди. 99% эҳтимол билан Юрген Клопп шогирдлари кейинги мавсумда Европа Лигасида иштирок этади. Бу ҳақда "мерсисайдликлар" устози фикр билдирди.
"Биз Европа лигасини ўз турниримизга айлантирамиз. Мен у қадар эркаланиб кетмаганмиз. Атрофимиздаги жамоаларни ҳисобга оладиган бўлсак, Европа лигасига йўлланмани қўлга киритганимиз ақл бовар қилмайди. Биз буни уддаладик ва бу яхши.
Чемпионлар лигаси мадҳиясини узоқ вақт эшитмаган давримиз ҳам бўлди. Европа Лигаси мутлақо нормаль ҳолат. Келинг, ушбу турнирда нима қилишимиз мумкинлигини кўриб чиқайлик" - деди Клопп BBC билан суҳбатда.
