Илкай Гюндоган ёзда "Манчестер Сити"ни тарк этиши мумкин.
Шу сабабли, "шаҳарликлар" янги ярим ҳимоячи қидирмоқда ва "Бавария" футболчиси Жошуа Киммихга кўз тикмоқда. Бу ҳақда The Sun нашри хабар бермоқда.
Манбага кўра, Киммихни қўлга киритиш учун "Манчестер Сити" Жоау Канселудан фойдаланиши мумкин. Португалиялик футболчи ҳозирда "Бавария"да ижара асосида ўйнамоқда, аммо унинг ҳуқуқлари "шаҳарликлар"га тегишли.
Миш-мишлар аввалроқ Жошуа Киммихни "Реал" ва "Барселона" билан боғлаган эди. Шу билан бирга, 28 ёшли ярим ҳимоячи яқин келажакда "Бавария"ни ҳеч қаерга тарк этишни режалаштирмагани ҳақида маълумот пайдо бўлди.
