"Интер" президенти Стивен Чжан Италия кубоги финалида "Фиорентина" устидан қозонилган ғалаба (2:1) ҳақида фикр билдирди.
“Ўз футболчиларим ва барча ходимларим билан қанчалик фахрланаётганимни сўз билан айтиб бера олмайман. Ҳозир бу ерда ҳамма ғалаба қозониш менталитетига эга ва шунинг учун биз кўплаб финалларда ўйнашимиз ва кўплаб кубокларни ютишимиз мумкин. Бу бизнинг саъй-ҳаракатларимиз муносиб тақдирланганини яна бир бор тасдиқлайди", - дея Чжан сўзларини келтиради Football Italia.
Бу “Интер” учун жорий мавсумдаги иккинчи совриндир. Бунгача жамоа Италия Суперкубоги-2022 финалида “Милан”ни мағлуб этганди (3:0).
