"Бавария" дарвозабони Янн Зоммер ёзги трансфер ойнасида жамоани тарк этади, дея хабар беради Кicker.
Манбага кўра, Зоммер жароҳатидан сўнг Мануэль Нойернинг сафга қайтиши сабабли "Бавария"да қолишни истамаяпти. 34 ёшли швейцариялик посбонга “Монако”, “Валенсия”, “Лестер” ва “Вильярреал” даъвогарлик қилмоқда.
Зоммер қишки трансфер ойнасида "Бавария"га ўтди. У мюнхенликлар сафида 24 та ўйин ўтказиб, ўз дарвозасидан 30 та гол ўтказиб юборган.