Амстердамнинг “Аякс” клуби 2009 йилдан бери илк бор Чемпионлар лигасини ўтказиб юборади. Альфред Шройдер жамоаси Голландия чемпионати турнир жадвалида учинчи ўринни эгаллади.
Бугун, 28 май куни “Аякс” Эредивизиянинг 34-тури доирасида “Твенте” билан финал учрашувини ўтказди.
Амстердамликлар унда 1:3 ҳисобида мағлуб бўлди ва 2022/23 йилги мавсумни 69 очко билан турнир жадвалида учинчи ўринда якунлади. Шу тариқа, “Аякс” 2009/10 йилги мавсумдан буён илк марта Чемпионлар лигасида иштирок этмайди.
"Фейеноорд" жорий мавсумда Голландия чемпионига айланди, иккинчи ўринни "ПСВ" эгаллади. Жорий мавсумда Чемпионлар лигасида “Аякс” “Ливерпуль”, “Наполи” ва “Рейнжерс” билан “А” гуруҳида ўйнади ва учинчи ўринни эгаллади.
Европа Лигаси плей-офф босқичида амстердамликлар Берлиннинг "Унион"ига мағлуб бўлишди.
