"Эспаньол" Ла Лигадан тушиб кетди, 38-турда 6та жамоа лигада жон сақлаб қолиш учун курашади.

Бугун “Эспаньол” 37-тур учрашувида “Валенсия” билан дуранг ўйнади (2:2) ва мавсум якунида Ла Лигадаги ўрнини сақлаб қолиш имкониятидан маҳрум бўлди. "Эспаньол" Ла Лигага қайтганига икки мавсум бўлганди.

Яна 6 та жамоа 38-турда лигада жон сақлаб қолиш учун курашади. Булар “Вальядолид” (39 очко), “Сельта” ва “Альмерия” (ҳар бири 40 очкодан), “Валенсия”, “Хетафе” ва “Кадис” (барчасида 41 очкодан бор).

Шу тариқа, Ла Лигани “Эспаньол” ва “Эльче” билан бирга тарк этадиган жамоа сўнгги турда аниқ бўлади.