"Милан" ҳужумчиси Анте Ребич келаётган мавсумда клубини ўзгартириши мумкин.
Журналист Николо Скиранинг ёзишича, хорватиялик футболчи “россонерилар” бош мураббийининг келаси мавсумдаги режаларида йўқ.
Манбанинг таъкидлашича, "Милан" келаси ёзда Ребични сотишга ҳаракат қилади. 29 ёшли хорватиялик футболчи жорий мавсум Италия А сериясида атиги 974 дақиқа ўйнади ва асосан захирадан майдонга тушди.
Ребич аввалроқ Бундеслигада Франкфуртнинг “Айнтрахт” жамоасида ўйнаган ва у билан Германия кубогини қўлга киритган. Италия чемпионатининг жорий мавсумида Анте ҳисобида 3 та гол ва 2 та голли узатма бор.
