"Milan" hujumchisi Ante Rebich kelayotgan mavsumda klubini o‘zgartirishi mumkin.
Jurnalist Nikolo Skiraning yozishicha, xorvatiyalik futbolchi “rossonerilar” bosh murabbiyining kelasi mavsumdagi rejalarida yo‘q.
Manbaning ta’kidlashicha, "Milan" kelasi yozda Rebichni sotishga harakat qiladi. 29 yoshli xorvatiyalik futbolchi joriy mavsum Italiya A seriyasida atigi 974 daqiqa o‘ynadi va asosan zaxiradan maydonga tushdi.
Rebich avvalroq Bundesligada Frankfurtning “Ayntraxt” jamoasida o‘ynagan va u bilan Germaniya kubogini qo‘lga kiritgan. Italiya chempionatining joriy mavsumida Ante hisobida 3 ta gol va 2 ta golli uzatma bor.
