"Ньюкасл" "Наполи" марказий ҳимоячиси Ким Мин Же учун "Манчестер Юнайтед" билан рақобатлашади.
Журналист Фабрицио Романо хабарига кўра, кореялик футболчини трансфер қилишдан иккала клуб ҳам манфаатдор.
Қайд этиш керакки, июль ойида Ким Мин Женинг “Наполи”даги шартномаси бўйича товон пули фаоллашади, уни тўлаш орқали манфаатдор клуб футболчининг трансферини амалга ошириши мумкин. Тўлов миқдори 40 миллион еврони ташкил қилади.
Ким Мин Же "Наполи"даги дебют мавсумида асосий жамоада Калиду Кулибалини муваффақиятли алмаштирди ва жамоага 33 йил ичида биринчи А Серия чемпионлигини қўлга киритишига ёрдам берди.