"Брайтон" бош мураббийи Роберто де Зерби ярим ҳимоячилар Мойзес Кайседо ва Алексис Макаллистернинг келажаги ҳақида гапирди.
“Ўйлашимча, сўнгги тур Алексис ва Мойзеснинг биз учун сўнгги ўйини бўлди, жуда афсусдаман. Улар клуб учун ажойиб футболчи эдилар.
Бу "Брайтон"нинг сиёсати. Менимча, улар жамоани ўзгартира олиши ва юқори савияда ўйнаши тўғри ҳол”, — дея Де Зербининг сўзларини келтиради Mirror.
"Брайтон" бу мавсумда Премьер-лигада олтинчи ўринни эгаллади. Жамоа ўз тарихида илк бор еврокубокларда иштирок этади.
