Пойтахтимизда давом этаётган "Tashkent challenger" мусобақасида бугун яккаликда чорак финал ўйинлари бўлиб ўтмоқда. Унда ҳамюртимиз Фаррух Дўстов беларуслик Улажимир Игнатик билан баҳс олиб борди. Ўйин ўта муросасиз кечди.

Биринчи сетда беларуслик теннисчи 6-4 ҳисобида ғолиб чиққан бўлса, иккинчи сет 7-5 натижаси билан Фаррух фойдасига ҳал бўлди. Ҳал қилувчи учинчи сет бошида Улажимир брек ишлашга муваффақ бўлди. Ҳисоб беларуслик спортчи фойдасига 5-4га етганидан кейин Дўстов муҳим паллада брейк ишлади ва ҳисобни тенглаштирди. Натижада ўйин тақдири тай-брекда ҳал бўлди.

Тай-брекда эса омад Фаррухдан юз ўгирди ёки рақиб теннисчи ғалабани кўпроқ истади шекилли, энг сўнгги гейм Игнатик фойдасига ҳал бўлди - 7-2.