"Ноттингем Форест" жамоаси бир неча ўйинчининг жамоани тарк этганини расман эълон қилди. Улар орасида “Манчестер Юнайтед”даги ўйинлари билан яхши ёдда қолган ҳужумкор ярим ҳимоячи Жесси Лингард ҳам бор.
Лингард ўтган ёзда "Ноттингем Форест" билан шартнома имзолаган эди. Футболчи яхши маош билан таъминланган, аммо у умидларни оқлай олмади. "Ўрмончилар" сафида 20 та расмий ўйинда Жесси иккита гол урди ва иккита голли узатмани амалга оширди. Ушбу тўртта самарали ҳаракатларнинг барчаси Англия Лига кубоги ўйинларида содир бўлган.
30 ёшли Жесси Лингард эркин агентга айланди ва энди янги клуб излайди.
