"Барселона" бош мураббийи Хави Эрнандес "ПСЖ" ҳужумчиси Лионель Мессини яна бир бор мақтади.
“Лео - табиий лидер. У ҳар қандай қийинчиликларга осонгина мослаша оладиган ўйинчи. Месси аввалроқ "Барселона" сардори бўлган ва жамоанинг энг яхши футболчиси бўлиб қолмоқда. Эшикларимиз у учун доим очиқ”, - дея Хави сўзларини келтиради Mundo Deportivo.
35 ёшли аргентиналик футболчи жорий мавсумда "ПСЖ" сафида 40 та ўйинда майдонга тушиб, 21 та гол урди ва 20 та голли узатмани амалга оширди. Мессининг Франция жамоаси билан шартномаси июнь ойи охирида тугайди. Катта эҳтимол билан футболчи "ПСЖ"да қолмайди.
