Мадриднинг «Реал» клуби жорий мавсум сўнгида ярим ҳимоячи Эден Азар жамоадан кетишини эълон қилди.

Мадридликлар 32 ёшли футболчи билан амалдаги шартномани муддатидан бир йил бекор қилиш ҳақида келишувга эришишди.

Азар 2019 йилнинг ёзида 115 миллион евро эвазига «Челси»дан «Реал»га ўтганди. У "Қироллик клуби" сафида 8 та совринга эга чиқди: Европа чемпионлар лигаси, клублар ўртасидаги жаҳон чемпионати, Европа суперкубоги, Ли лага (2 та), Испания кубоги ва Испания суперкубоги (2 та).

Азар "Реал" сафида жами 76 та ўйинда майдонга тушиб, 7 гол ва 12 ассист муаллифига айланди. Бельгиялик футболчи фаолиятини бутунлай якунлаши ҳам мумкин.