Лондоннинг "Челси" клуби ёзги трансфер ойнаси учун иккита асосий мақсадни белгилаб олди.
Daily Mail журналистлари хабарига кўра, "Саутгемптон" ва "Брайтон"да тўп тепаётган ярим ҳимоячилар Ромео Лавиа ва Мойзес Кайседо "аристократлар" рўйхатига киритилган.
Манбанинг қайд этишича, Кайседонинг трансфери 90 миллион еврога баҳоланмоқда. Лавиага келсак, "авлиёлар" Ромео учун 45-60 миллион олишни исташмоқда.
Мойзес ўтган мавсумда барча турнирларда 43 та ўйинда майдонга тушиб, битта гол ва шунча голли узатмани амалга оширди. Ромео эса 35 учрашувда худди шундай статистикани қайд этган.
