УEФА Туриннинг “Ювентус” клубига Европа Суперлигаси ташкил этилишига йўл қўймаслик учун босим ўтказди, деб хабар бермоқда AS.
Манбага кўра, "кекса синьора" бош директори Маурицио Сканавино "Реал Мадрид" ва "Барселона"га қачондир учрашув ўтказиш ва ўзларининг бу лойиҳадан чиқишини муҳокама қилиш таклифи билан хат йўллаган.
Хабарда айтилишича, УEФА Италия клубига уч мавсум еврокубоклар тақиқи билан таҳдид қилган.
Суперлига УEФАнинг бу хатти-ҳаракатидан норози бўлиб, "Ювентус" манфаатларини ҳуқуқий нуқтайи назардан ҳимоя қилмоқчи.
Эслатиб ўтамиз, "бьянконери" А серияни еттинчи ўринда якунлади.
