Жуд Беллингем тарихдаги энг қиммат инглиз футболчисига айланди.
Дортмунднинг "Боруссия" клуби бугун 19 ёшли ярим ҳимоячининг "Реал"га ўтганини эълон қилди. Немис клуби бонуслар билан бирга 115 миллион фунт олади.
Беллингем Англиянинг энг қиммат футболчисига айланди, унинг трансфер нархи "Манчестер Сити" Жек Греалиш учун "Астон Вилла"га тўлаган суммадан (100 миллион фунт) ошиб кетди.
Энг қиммат инглизлар рўйхатида учинчи ва тўртинчи ўринларни Харри Магуайр ва Жэйдон Санчо эгаллаган. Улар учун "МЮ" мос равишда 80 миллион ва 73 миллион фунт тўлаган.