"Манчестер Сити" бош мураббийи Хосеп Гвардиола Чемпионлар лигасидаги ғалабадан сўнг "Интер" ҳақида гапирди. Инглизлар финалда Италия клубини 1:0 ҳисобида мағлуб этишди. Ягона голга Родри муаллифлик қилди.
"Интер"ни табрикламоқчиман. Албатта, улар мағлубиятдан хафа бўлишди, лекин Европанинг иккинчи жамоаси бўлиш жуда зўр. Уларнинг ажойиб жамоаси бор.
Биз требль билан мавсумни якунладик, аммо бу ютуқсиз ҳам жамоани Премьер-лигадаги сўнгги йилларда қўлга киритган бешта ғалабаси учун ҳурмат қилиш арзийди", - деди мураббий матбуот анжуманида.
