Европа Чемпионлар Лигасининг финал учрашувида “Манчестер Сити” “Интер” билан тўқнаш келиб, кичик ҳисобда ғалаба қозонган ҳолда бош совринни қўлга киритди.

«Манчестер Сити» турнирнинг жорий мавсумида бирорта ўйинда ҳам ютқазмади. Хосеп Гвардиола жамоаси гуруҳ босқичида «Боруссия» (2:1, 0:0), «Севилья» (4:0, 3:1), ва «Копенгаген» (5:0, 0:0) билан баҳсларда 14 очко жамғарган бўлса, плей-оффда «Лейпциг» (1:1, 7:0), «Бавария» (3:0, 1:1) ва «Реал» (1:1, 4:0) қарши уй-сафар шаклидаги икки ўйинларда биттадан дуранг ва биттадан (йирик ҳисобдаги) ғалабага эришди.

«Манчестер Сити» Европа чемпионлар лигаси / Европа чемпионлари кубоги мусобақалари тарихида бир мавсумни мағлубиятсиз ўтказиб, якунда чемпионга айланган ўнинчи жамоа бўлди. Аввал бундай натижани «Милан», «Аякс», «Ливерпуль», «Манчестер Юнайтед» (икки мартадан), «Бавария», «Барселона», «Интер», «Марсель» ва «Црвена Звезде» (бир мартадан) қайд этишганди.