"Челси" ўз ярим ҳимоячиси Мэйсон Маунтни шартнома муддати бир йилдан кейин тугашига қарамай, камида 80 миллион еврога сотишини таъкидламоқда. Инсайдер Фабрицио Романонинг сўзларига кўра, "Манчестер Юнайтед" ҳали керакли пулни тўлашни истамаяпти, шу сабабли келишув ҳозирча тўхтаб қолган.
Аввалроқ, "қизил иблислар" англиялик футболчи учун курашда фаворит экани, ундан кейинги ўринларда "Ливерпуль" ва "Арсенал" борлиги хабар қилинганди. Керакли 80 миллион евро туфайли келишув ҳозирча тўхтаб қолган, аммо Маунтнинг ўзи ҳамон кетишни истамоқда.
Эслатиб ўтамиз, Мэйсон "Челси"да тўрт мавсум ўтказган ва клуб билан Чемпионлар лигасида ғолиб чиқишга муваффақ бўлган.
