"ПСЖ" ҳужумчиси Килиан Мбаппе ёзда Франция клубини тарк этиши ҳақидаги сўнгги миш-мишларга изоҳ берди.
"Мен "ПСЖ"дан "Реал"га ўтишимни сўрамаганман. Мен клубга шартномани 2025 йилнинг ёзига қадар узайтириш вариантини фаоллаштирмаслигимни айтдим. Биз клуб билан янги шартнома борасида гаплашмадик, лекин мен кейинги мавсумда шу ерда қолишдан хурсанд бўламан", - деди Мбаппе.
Эслатиб ўтамиз, аввалроқ "ПСЖ" Килиан Мбаппени бир йил ичида ҳеч қандай товонсиз йўқотмаслик учун шу ёзда сотишга тайёрлиги хабар қилинганди.
24 ёшли ҳужумчига асосий даъвогар "Реал Мадрид" ҳисобланади. Испания клуби Килиан билан бир йил аввал шартнома имзолашни режалаштирганди, аммо кейин у "ПСЖ"да қолишга қарор қилди ва янги шартнома имзолаганди.
