Каталониянинг “Барселона” клуби ҳимоянинг ўнг қанотини кучайтириш учун яна бир номзод топди. Журналист Давиде Бернабеунинг сўзларига кўра, "кўк-анорранглилар" Роттердамнинг "Фейеноорд" ҳимоячиси Лютсарел Гертрёйд учун 10 миллион евро беришга тайёр.
Манбанинг айтишича, нидерландиялик ҳимоячи Хави Эрнандес жамоасига ўтишга тайёр. Каталония жамоаси Жюль Кундега марказий ҳимоячи сифатида ўзининг позициясига қайтиши учун ўнг қанотга футболчи қидирмоқда.
22 ёшли Гертрёйд Нидерландия чемпионатининг 2022/23 йилги мавсумида 3 та гол ва иккита голли узатмани амалга оширди.
