Яна бир неча кундан сўнг Олий лигамизда навбатдаги тур ўйинлари бўлиб ўтади.

23-турда биз бор эътиборимизни Тошкентдаги ЖАР ўйингоҳига қаратамиз. Боиси ушбу мўъжазгина ўйингоҳда турнинг қизиқарли учрашувларидан бири бўлиб ўтади. "Бунёдкор" ва "Навбаҳор" жамоаларининг ҳозирги аҳволи бир-бирига қарама-қарши. Яъни "Бунёдкор" чемпионлик учун курашаётган бўлса, "Навбаҳор" лигада қолиш ҳаракатида. Демакки, учрашув кутганимиздек қизиқарли ўтса керак.

Мазкур баҳсда албатта "қалдирғочлар"нинг имконияти анча юқори. Аммо улар билан ҳам ўйнаш мумкин. Мавсум аввалида "Бунёдкор"ни мағлуб этгандик. Ўшанда Александр Клименконинг оёғи ёққанди "Навбаҳор"га. Унинг келиши ажойиб ғалаба билан бошланганди. Ўша кезларда Клименконинг обрўси анча ошганди. Лекин биринчи хулоса тўғри бўлиб чиқмас экан.

Ушбу учрашув мазкур жамоаларининг миллий чемпионат доирасидаги ўзаро ўн иккинчи учрашуви сифатида қайд этилади. Бунгача ўтказилган ўйинлар қайдномаларига назар ташлар эканмиз, унда яққол устунлик “қалдирғочлар” томонида эканлигига гувоҳ бўламиз – ўтказилган ўн ўйиннинг саккизтасида “Бунёдкор” ғолиб чиққан. "Навбаҳор" бўлса икки бор зафар қучган. Тўплар фарқи 24:7, "Бунёдкор" фойдасига.

19 октябрь, 18:00
«Бунёдкор» (Тошкент) – «Навбаҳор» (Наманган)
Ҳакамлар: Р. Бобомуродов (Навоий), Р. Самандаров (Навоий), А. Цапенко (Тошкент вилояти), Б. Юлчараев (Гулистон).
Назоратчи: Д. Роман (Тошкент).

2007 йил
БУНЁДКОР - НАВБАҲОР 3:1
НАВБАҲОР - БУНЁДКОР 1:4

2008 йил
БУНЁДКОР - НАВБАҲОР 1:0
НАВБАҲОР - БУНЁДКОР 1:1

2009 йил
БУНЁДКОР - НАВБАҲОР - 6:0
НАВБАҲОР – БУНЁДКОР 0:3

2010 йил
НАВБАҲОР – БУНЁДКОР 1:2
БУНЁДКОР – НАВБАҲОР 2:0

2011 йил
БУНЁДКОР – НАВБАҲОР 1:0
НАВБАҲОР – БУНЁДКОР 1:0

2012 йил
НАВБАҲОР – БУНЁДКОР 2:1
БУНЁДКОР – НАВБАҲОР ???