"Манчестер Юнайтед" жамоа афсонаси Даррен Флетчернинг эгизак ўғилларини сотиб олмоқчи, деб хабар беради The Athletic.
16 ёшли Жек ва Тайлер Флетчерлар "Манчестер Сити" академиясида ўйнашади. Эгизакларнинг отаси, фаолиятининг катта қисмини “Олд Траффорд”да ўтказган Даррен Флетчер ҳозир манкунианликлар клубининг техник директори ҳисобланади.
Умуман олганда, у умрининг 20 йилдан кўпроғини "Манчестер Юнайтед"га бағишлади ва Алекс Фергюсон қўл остида академиянинг истиқболли футболчисидан асосий жамоа ярим ҳимоячисига айланди. 2017 йилда “Сток Сити”да футболчилик фаолиятини якунлагач, Флетчер “Манчестер Юнайтед”га қайтиб, мураббийлик фаолиятини бошлади.
