Хорватия терма жамоаси дарвозабони Доминик Ливакович Миллатлар лигаси финалида Испанияга қарши кечадиган баҳс ҳақида фикр билдирди.
“Биз бу турнирга ўз имкониятларимизга тўлиқ ишонч билан келдик. Бизда аллақачон бронза ва кумуш медаль бор, аммо энди биз олтин ютишни хоҳлаймиз.
Испанияга қарши кураш қийин кечади. Бу жуда кучли рақиб. Жамоамиздаги ҳар бир футболчи Хорватия учун олтин ютишни истайди. Бунинг учун қўлимиздан келганини қиламиз", - деди дарвозабон.
Эслатиб ўтамиз, Миллатлар лигасининг финал ўйини бугун, 18 июнь куни бўлиб ўтади.
