Аргентина терма жамоаси дарвозабони Эмилиано Мартинес жамоадоши Алехандро Гарначо ҳақида ўз фикрларини билдирди.
“Алехандро камтар йигит. У машғулотларда жуда қаттиқ ишлайди. Гарначо Аргентина терма жамоасида ўйнашни жуда хоҳлайди.
Бу бизнинг жуда тез кўтарилган юлдузимиз. Ўйин услуби бўйича у Анхель ди Марияга жуда ўхшайди.
У жамоамиз учун муҳим футболчи бўлиши учун ҳамма имкониятларга эга", - дея Мартинеснинг сўзларини келтиради Goal.com портали.
18 ёшли ҳужумчи ўтган мавсумда АПЛда 19 та ўйинда майдонга тушди. Алехандро учта гол ва иккита голли узатмани амалга оширди.
