Испания терма жамоаси бош мураббийи Луис де ла Фуенте Хорватия термасига қарши Миллатлар лигаси финал учрашуви ҳақида гапирди.
“Бу икки кучли рақиб ўртасидаги ўйин бўлади. Имкониятлар тенг. Испания ва Хорватия Европанинг энг яхши жамоалари қаторида. Биз ўз кучимизни ишга солишга ҳаракат қиламиз ва завқланишни хоҳлаймиз. Мақсадимиз Хорватиядан яхшироқ бўлиш. Мен асосий вақтда ғалаба қозонишни истардим, чунки хорватлар қўшимча вақтда кўпроқ тажрибага эга. Бундай ўйинларда тажриба катта аҳамиятга эга", - дейди мутахассис.
Миллатлар лигаси финали бугун, 18 июнь куни Тошкент вақти билан соат 23:45да бошланади.
