Франциянинг «ПСЖ» клуби ярим ҳимоячиси Витинья фаолиятини Мадриднинг «Реал» клубида давом эттириши мумкин. El Nacional нашри берган маълумотларга кўра, футболчининг агенти Жорже Мендеш Париж клуби раҳбариятидан мижозининг трансфери бўйича «қироллик клуби» билан музокараларга очиқ бўлишни сўраган.
Мадридликлар агар «ПСЖ» розилик берса, португалиялик хавбек бўйича музокараларни зудлик билан бошлашга тайёр. Бироқ парижликлар ўз юлдузини 100 миллион евродан кам бўлган суммага қўйиб юбормоқчи эмас.
Маълумот учун, Витинья жорий мавсумда «ПСЖ» сафида барча мусобақаларда 45 та ўйинда майдонга тушиб, 7 та гол урди ва 10 та голли узатмага муаллифлик қилди. Унинг Париж клуби билан амалдаги шартномаси 2029 йилнинг 30 июнига қадар имзоланган.
