Португалия терма жамоаси бош мураббийи Роберто Мартинес "Вулверхэмптон" ярим ҳимоячиси Рубен Невешнинг Саудия Арабистони клубига ўтиши ҳақида фикр билдирди.
"Криштиану Роналду Саудия Арабистонига ўйнаш учун кетгани учун бу бозорни очиқ деб ҳисоблаш мумкин. Умид қиламанки, Невеш юқори савияда ўйнашда давом этади. У учун хурсандман", - дея мураббийнинг сўзларини келтирган Diario de Transferencias.
18 июнь куни “Ал-Ҳилол” 26 ёшли португалиялик учун тахминан 55 миллион евро тўлашга тайёрлиги хабар қилинганди. Томонлар ўртасидаги музокаралар илғор босқичда.
Невеш 2017 йилдан бери “Вулверхэмптон” сафида тўп тепади. 2022/23 йилги мавсумда у “бўрилар” сафида 41 та ўйинда майдонга тушиб, 6 та гол урди ва 1 та голли узатмани амалга оширди.