Portugaliya terma jamoasi bosh murabbiyi Roberto Martines "Vulverxempton" yarim himoyachisi Ruben Neveshning Saudiya Arabistoni klubiga o‘tishi haqida fikr bildirdi.
"Krishtianu Ronaldu Saudiya Arabistoniga o‘ynash uchun ketgani uchun bu bozorni ochiq deb hisoblash mumkin. Umid qilamanki, Nevesh yuqori saviyada o‘ynashda davom etadi. U uchun xursandman", - deya murabbiyning so‘zlarini keltirgan Diario de Transferencias.
18 iyun kuni “Al-Hilol” 26 yoshli portugaliyalik uchun taxminan 55 million yevro to‘lashga tayyorligi xabar qilingandi. Tomonlar o‘rtasidagi muzokaralar ilg‘or bosqichda.
Nevesh 2017 yildan beri “Vulverxempton” safida to‘p tepadi. 2022/23 yilgi mavsumda u “bo‘rilar” safida 41 ta o‘yinda maydonga tushib, 6 ta gol urdi va 1 ta golli uzatmani amalga oshirdi.
