Ярим ҳимоячи Анхель Ди Мария фаолиятини Португалияда давом эттиришга яқин турибди, дея хабар беради журналист Фабрицио Романо.
Манбага кўра, 35 ёшли аргентиналик футболчига "Бенфика" даъвогарлик қилмоқда. Шартнома 2024 йилнинг ёзига қадар амал қилади. Ярим ҳимоячи 2007 йилдан 2010 йилгача Лиссабон клубида ўйнаган.
6 июнь куни ярим ҳимоячи "Ювентус"ни тарк этишини элон қилди. Ди Мария клубда 2022 йилдан буён тўп тепиб келаётганди. У ўтган мавсумда барча турнирларда 40 та ўйинда майдонга тушиб, 8 та гол урди ва 7 та голли узатмани амалга оширди.